बाराबीग्यातली #भाकरी , खचरातला #भात , मुळव्यातली #भाजी आणि कुंदडकितला कांदा, लसूण घालून केलेले घेवड्याचं #कालवण . हे आहे आमच्या जेवणाच्या ताटातल्या अन्न आणि शेतांच मॅपिंग. आपण खात असलेल्या ताटातला प्रत्येक पदार्थ आपल्याच शेतातून येणे यापेक्षा आणखी सुख ते काय. बाकी वरची जी शेतांची विचित्र नावे वाचलीत, त्याचाही काहींना काही अर्थ असतो. गावातल्या प्रत्येक वावराला (शेताला) किंवा शेतांच्या समूहाला नावे दिलेली असतात. बहुतेक नावे पूर्वापार चालत आलेली आहेत. शेताची मालकी कोणाची, तिथला भूभाग, तिथे शेती करण्याआधी काय होते किंवा तिथल्या जागेचा जर एखाद्या धार्मिक, सांस्कृतिक अथवा ऐतिहासिक घटनेशी संबंध असेल तर त्याला तसे नाव दिले जाते. ही तोंडी ऐकिवात नावे ज्या त्या पंचक्रोशीत राहणाऱ्या स्थानिक लोकांना माहित असतात आणि याच नावांनी त्यांना ओळखलं जातं. कुठल्या शेतात काय चाललंय, काय पिकवलय हे या नावांनी सांगणं लक्षात ठेवणं सोप्पं जाते. प्रत्येक नावाच्या मागे काही अर्थ असतोच असे नाही पण बहुतेक नावांच्या मागे काहीना काही कारण आणि अर्थ असतो. 'म्हसोबाच तुकड' म्हणजे म्हसोबाचे देवस्थान आहे म्हणून, ...
